Die 3 vo Brugg 2016

Nit vergässe - mir chönned alles mässe!

Mir 3 sind 3 Inscheniöre
händ en Bildschirm no mit Röhre
leged Kabel quer durchs Land
d Maschine starte mir vo Hand
Vibrations-Schwingige
gspürsch vo do bis Binnige
eusi Mässig die macht Sinn
vo Huuse, Stilli bis uf Linn
mir 3 Kenner tüend alles mässe
nur Brugg und Windisch, chasch vergässe
dr Computer seit eus do:  shit!
Fusionsschwingige gits do nit

S Zikus Virus, in eusrer Stadt
bisch betroffe, isch das nit glatt
s Ganze wird de no gemeiner
chunnt derzue e Spur Alzheimer
in Stadtverwaltig unde
hei mir die Chrankheit wirklich gfunde
d Hirnstrommässig het ergeh
es chlises Hirni – vergisst au meh
zum Byspiel und das glaubsch fascht nit
dass es z Brugg e Fasnacht git

Dr Shaqiri, verdient Millione
so Menschehandel tuet sich lohne
Sommer, Xhaka, Schär, Berami
Inler, Bürki und Kasdami
Millione wärde do verschobe
die meischte chömmed vo de Schwobe
Au mir händ eine zum Transfer
e Spitzmaa – und au no schwer
ablösefrei, mir wäre froh
würd eusi Amme uf Windisch goh

Spare, spare, spare, spare
Spare, spare, spare, spare
Spare, spare, no meh spare
mit em Chlapf in Dütsche fahre.......

D'Durchsetzigsiniative  
isch öppis für die Primitive
eusi Repol isch scho am Üebe
fürs Ummemuule, gits eis an d Rüebe
dasch nur e Üebig – ihr blöde Affe
Dr Trachsel Heinz wänd die usschaffe

An dr letschte Tombola
hei mir nume Niete gha
Los um Los isch gar nüt los
d Enttüschig aber, isch nit gross
denn jede Morge – e neui Niete
d Ferie AZ sötsch verbiete

Am Morge früh im Bundeshuus
isch öppis los, es isch e Gruus
im Zimmer 5 – isch das e Sitzig?
Nei! S isch luut und ziemlig hitzig
in dr Rundi sitzt e Neue
d Wysswy Fraktion, duet sich freue
si stosse a – santé…...santé
no en Schluck, si vous plait?
Dr Neu isch voll im Elemänt
mois je suis le Produzänt
und sind am Schluss denn alli bsoffe
für d SVP isch s beschtens gloffe

Bulgare, Schwede, 4 Albaner
Aegypter und no 2 Veganer
Tschechie, Holland, Serbia
Öschtrich, Island, Nigeria
2 Zürcher und 2 Simulante
das alles do si Emigrante
luegsch d'Lischte a – denn tuesch es gseh
Das sind d'Spieler vom FCB

Die industrielli Revolution
4 Punkt Null, isch kei Fiktion
Computer Roboter - digital
ersetze d Mensche, s isch fatal
nur d Schnitzbänk chönnt no lache
si müesse d Värs nümm sälber mache

Fruktosemalabsortion
mir bitte nur die halb Portion
Glutenunverträglichkeit
das isch hüt kei Sälteheit
Laktoseintoleranz
do lüpft d Kuh betupft dr Schwanz
als Hipschter läbsch so clean vegan
ernährigsmässig bis zum Wahn
und brummt di Maage, gohts in d Hose
dr Psycholog macht d Diagnose
und d Therapie, s isch nit zum lache
di söttet alli Fasnacht mache

dr Müller und dr Giacobbo
die höred uf, do si mir froh
aus die Maus, die müesse  goh
mir wüssed scho, wär jetzt wird cho
und d Ischaltquote stiegt e soo
drum hei mir 3, das übernoo
Lied 1

Trink trink Parmellin trink, lasse die Sorgen in Bern
Trink trink Parmellin trink, lasse die Sorgen in Bern
meide den Kummer und meide den Schmerz
dann ist das Leben ein Scherz
meide den Kummer und meide den Schmerz
dann ist das Leben ein Scherz

Lied 2

muss er denn, muss er denn, zum Städtli uus, Städtli uus
uf Windisch muess er goh