I be d’ Rosi.... und i be d’Josi
Und zäme semmer d’Rollator-Grosi!
A der Älplerchilbi do im Salzhuus
Und das wär dere Nancy ganz sicher en Gruus!
Tüemer bimbele, schellen und lüüte!
Mer zwee alte Chüe lönd eus s’lüüte nümme verbüüte!
Ref. Mer send jetzt da – tralala
S’Rentenalter wännds emmer no meh erhöche
Das esch öpis, womer ned gern tuet ghöre
Au mer chömed jetzt grad vom Schaffe her,
debi send eusi Batterien au öpe leer!
Mer wetted jetzt ändlech eusi Rueh,
als Rentner het mer schliesslech au no susch gnueg z’tue!
Ref. Mer händ en Knall tralala
Dialog:
Hey Rosie, ben letschthin anere Mäss gsi und han dert en Gratis-Hörtest gmacht! Das wär doch au öpis für dich!
--- He, was seisch?---
En Hörtescht!
-----Was für nes Fescht??----
Ich han jetzt set zwei Wochen es Hörgrät und sither han ischo drümol s’Testament müessen ändere!
Woni am «Tag der Kranken» d’Klara bsuecht han,
Wer gsehn i duss im Garte? De Schneider-Amman!
Was macht jetzt de do i dere vornehme Altersresidenz
Er luegt eso trurig, de het doch no kei Demenz??
Er parliert uf französisch und sini Mimik macht ken Wank
Ab dere Red lache sech jo au no di gsunde chrank!
Ref. De het en Knall tralala
Bem wisse Huus, und das isch ned gloge
Isch de chlinschti Zoo vo der Wält iizoge!
Das Eine Tier isch zwar nonig lang im Amt,
aber es het es Ego so gross wien en Elefant!
Es gseht au echli us wienen Ziegebock
luegt de Fraue gern tüf under de Rock!
Und wenn im Trumpeltier öpis ned tuet passe,
denn brüllt er lüüter, als en Wald voll Affe!
Angesichts vo dere spezielle Kreatur
Isch Mexiko vellecht no ganz froh umene Muur!
Ref. Das git mol en Knall tralala
Be letschthin anere Generalversammlig gsi
Vomene Verein wo nur non es paar Alti do gsässe si
Mer het vo schöne, alte Zyte verzellt
Und s’Budget besprochen und no ne Rundi bstellt.
Do meint eine, de Chasperli, dä fehlti jetzt no
dä würd’ inecho und froge: «sind er alli do»?
Ehr würded luut und dütlech säge «Joooh»!
Und er, do würdi jedem vo euch bang,
Würd säge: «aber nümme lang!»
Ref. Mer händ en Knall tralala
Mehlwürmer und Grille siged gsund und guet zum ässe!
Vom Mai a gits de bem Coop die bsunderi Delikatässe
Das isch nüt Neus, het’s do usem Manor pfiffe,
be eus sind die Viecher scho lang im Fleisch inbegriffe!
Ref. So macheds all tralala
Makaber, dialog :
Wen i nomol en nöie Bruef chönnt wähle, weisch, was i denn wett?
Nei, kei Ahnig!
Ich würdi Friedhofsgärtner wärde!
Was? Wiso?
Hei weisch, wieviel Lüt as i denn under mer hätt?
Und kene vo dene würd me reklamiere oder welle diskutiere!
Ref. Die send mümm do tralala
Mer zwöi alti Tante
Sind gnaugno au nur Immigrante!
Händ do nüt z’säge und nüt melde –
Drum gömmer jetzt no ein’ go helde!
Ref. Jetzt müemmer gah tralala